Materialije

wšakorake kule (drjewjane kule, kulki, blidotenisowe balko, skokańske bale a druge kule)

kulowate sudobja (šklě, tejzki za wótkładowanje, sajźańske šklě atd.)

tejzka

gymnastiski rink

někótare kóstki

mała delka

Sebje krejz zdobyś (pógibowańske graśe):

wjele městna

muzika za ganjanje

zwónašk abo drugi instrument

gymnastikowe rinki

krida abo dłujki powrjoz

Pśigótowanje

Wšakorake kulowate sudobja a kule pśigótowaś. Někotare kule scyńśo do tejzki a pókšyjśo ju.

Pśispomnjenje

Kužde góle pśinjaso jadno kulowate sudobje a jadnu kulu wót doma sobu. Aby se pśi slědk daśu njezaměnili, nalipju starjejše na dno flaster z mjenim.

Pśewjeźenje

Źiśe sejźe w stołowem krejzu. Srjejźi lažy kulowate sudobje. Pšosćo dwě abo tśi źiśi, aby ruce slězy kśebjata źaržali. Dajśo kuždemu z tych źiśi jadnu kulu do rukowu. Stajśo pšašanja a pózbuźujśo źiśi, aby pśepśimali a wopisali, co cuju.

Jo kulowate.

Jo wjelika kula.

Jo ceło gładke.

Jo měke a kulowate

Njama žedne rožki.

Něnt scyńśo jadnu kulu do kulowatego sudobja a dajśo se jej bulaś. Źiśi źiwaju na spěšnosć kule. Pótom scyńśo kulu na nachylonu delku a dajśo se jej dołoj kulaś. Co měniśo, móžo se kóstka teke tak rědnje bulaś? Źiśi pśemysluju. Scyńśo kóstku na delku a pótusniśo ju. Pšosćo źiśi, wó swójich wobglědowanjach powědaś.

Kóstka se rědnje njekula.

Kóstka ma rožki, dla togo se derje njebula.

Kula se malsnje bula.

Kula jo kulowate, dla togo se kula pó delce dołoj.

Rožki móle pśi dołoj bulanju.

Pó tom sednu se wšykne do krejza na zemju. Kužde góle wezmjo sebje sudobje a scynijo jadnu kulu do njogo. Wšykne kulu w sudobju bulaju. Něnto dej se sudobjo wjertaś. Kula gótujo pśi wjertanju zogol a se pśecej malsnjej pógibujo. Źiśi sebje dwójcy abo tśi raze swóje sudobja wuměnje. Wobglěduju, až jo zogolenje wjertanja wšakorako głosne, což wótwisujo wót materiala sudobja abo kule.

Sebje krejz zdobyś

Pó tom pśewjeźćo ze źiśimi slědujucu grajnu aktiwitu, kenž źiwa na póžedanje źiśi se pógibowaś. Namólujśo wjeliki krejz z kridu. Do togo krejza scyńśo za kužde góle gymnastikowy rink. Za jadnogo grajarja felujo rink. Wše źiśi se pśi krejzu rozdźěle a ženu k muzice wokoło krejza. Gaž muzika wopśestanjo, wopytaju wšykne garjarje malsnje do jadnogo rinka skócyś. Chtož ma ako prědny swóju nogu w rinku, jo jen sebje zdobył. Grajaŕ, kenž njejo sebje žeden rink zdobył, se z toś teje grajneje kupku wuzamknjo. Mimo togo wezmjośo jaden rink pšec. Gaž muzika zasej graś zachopijo, ženu znowa wšykne w krejzu wokoło. Muzika wopśestanjo, a grajarje wopytaju sebje rink zdobyś. Chtož njejo malsny dosć a rink njama, se wuzamknjo a Wy wzejośo dalšny rink wen. Dobyśaŕ jo ten, ako jo sebje slědny rink zdobył.