Materialije

pśedmjaty we wšakorakich barwach a formach (kulowate, rogate, tśirogate)

guslowaŕski měšk

pógibowańske graśe:

wjele městna

bublinki

Pśigótowanje

Pśedmjaty se źiśam njepokazuju. Jaden pśedmjat do gulowaŕskego měška scyniś.

Pśewjeźenje

Źiśi sejźe w stołowem krejzu. Wulicujśo źiśam, až ma Majka guslowaŕski měšk, z kótarymž wóna wěcy pśiguslujo (herbeizaubern). Móžośo mě pomagaś wugódaś, co Majka w guslowaŕskem měšku ma? Pšosćo jadnotliwe źiśi do měška pśimnuś (greifen, fassen) a pśedmjat pópśimowaś (betasten). Zezběrajśo (sammeln) wopisujuce adjektiwy ze źiśimi:

Pśima se to měke abo twarde?

Jo to rogate abo kulowate?

Pśima se to drapate (kratzig,rau) abo gładke?

Jo to wuske (schmal) abo šyroke?

Jo to snaź kóńckate? (mit Spitzen)

Pózbuźujśo (ermuntern) něnto źiśi jadno pó drugem, małe jadnanje pantomimiski pśedstajiś. W njom grajo pśedmjat głownu rolu, wó kótaremž se góle mysli, až jo w měšku. Tak na pśikład se pisak k mólowanju wužywa. Jadno góle wuśěgnjo pótom pśedmjat z měška a pomjenijo jen. Zgromadnje źiśi toś ten pśedmjat tak dokradnje ako móžno wopisuju (barwa, forma, material).

Guslowaŕski měšk dalej dawaś

Aby se na póžedanje źiśi za pógibowanim źiwało, graju pótom wšykne zgromadnje slědujuce graśe. Źiśi zestupaju se do krejza. Jadno góle jo guslowaŕ. Wóno dostanjo guslowaŕski měšk, kótaryž jo z bublinkami połnjony. Guslowaŕ ženjo dwójcy abo tśi raze wence wokoło krejza a groni:

Měšk guslowaŕski mały njasom,

měšk pak něnto dalej dajom.

Źiśi w krejzu se njewobrośiju, ale derje słuchaju, slězy kogo dajo guslowaŕ měšk na zemju padnuś. Toś to góle guslowaŕski měšk malsnje zwignjo a wopytujo guslowarja pópadnuś. Guslowaŕ ženjo tak malsnje ako móžno wokoło krejza a stupijo se na liche městno góleśa. Něnto jo toś to góle guslowaŕ a dajo guslowaŕski měšk slězy drugego sobugrajarja na zemju padnuś.

Guslowaŕ, kótaregož sobugrajaŕ pópadnjo, sednjo se dosrjejź krejza a wobcakujo kóńc graśa. Góle, kótarež njezawupytnjo (nicht bemerken), až lažy slězy njogo guslowaŕski měšk, sednjo se tejerownosći dosrjejź krejza. Tek grajaŕ, kenž se wobrośijo a njama guslowaŕski měšk slězy sebje lažecy, źo dosrjejź krejza. Graśe se zakóńcyjo, gaž stoj jano hyšći mało źiśi w krejzu.