Materialije

kopěrowańska pśedłoga

małe lipate cedliki (kleine Klebezettel)

Pśigótowanje

Pśedłogu z formami wuśišćaś, na kšuśejšu papjeru nalipaś abo laminěrowaś a formy wurězaś. Kopěrowańsku pśedłogu z kasparikom a formami za wurězanje na normalnu papjeru wuśišćaś.

Rozpokazanje (Anleitung)

Sejźiśo ze źiśimi gromaźe a pokazujośo formy: krejz, kwadrat (styrirog - Viereck), pšaworog a tśirog, kótarež zgromadnje pśirownujośo.

Dla cogo groni se tśirogoju tśirog?

Kótara forma jo kulowata?

Kótara forma njama žednych rogow?

Kótara forma jo kwadrat?

Spóznajośo rozdźěl mjaz kwadratom a pšaworogom?

Pótom dostanjo kužde góle styri lipate cedliki. Na cedliki nakreslijo wóno pšaworog, kwadrat, krejz a tśirog. Ku kuždej formje pyta wóno něnto jaden pśedmjat (Gegenstand) w rumnosći, na kótaryž wótpowědny cedlik pśilipijo. Pó tom du wšykne źiśi zgromadnje wót cedlika k cedlikoju a pomjenjuju pśedmjat a formu: Globus je kulowaty.

Figuru kłasć (legen)

Něnto sednu se wšykne za blido a formy wurězuju. Pótom sebje formy na kaspariku pšawje rozcynjaju a je kšuśe pśilipuju. Toś ta aktiwita spěchujo dokradne glědanje a koncentraciju, dokulaž źiśi muse sebje formy pšawje woglědaś a pśirědowaś.

Warianta

Źiśi mógu město kasparika tek sami figury z krejzow, tśirogow, styrirogow a kwadratow mólowaś. Chtož co, móžo kasparika rědnje pisanego wumólowaś.

Nazgónjenja pódłymiś (Vertiefen der Erfahrungen)

Na kóńcu du wšykne wen a pytaju kołowokoło źiśownje abo pśi pśechójźowanju pó jsy abo měsće za formami: krejz, kwadrat, styrirog a tśirog. Źiśi pokazuju jadno drugemu formy, kótarež wšuźi wiźe. Casy wótkšywaju na jadnom pśedmjaśe (Gegenstand) ned wěcej formow.