Materialije

někotare oranže

mězgowe prase

kana za mězgu

nož

rězańska delka

dwě oranžowej mězdze wót wšakeju producentowu

bjacharje k piśeju

Rozpokazanje (Anleitung)

Fryšne oranže na połojcy rozkšajaś (zerschneiden).

Rozpokazanje (Anleitung)

Fryšna wutłocona oranžowa mězga jo wjelgin strowa a słoźi lěpjej ako kupjona mězga. Pśez wutłocenje se witamin C njezgubijo, ale se w mězdze zdźaržyjo. Chtož wšednje głažk oranžoweje mězgi pijo, pśinosujo k strowemu zežywjenjeju a k zastaranjeju śěła z wažnymi carobinami (Nährstoffe). Pśi tom eksperimenśe źiśi zgóniju, až słoźi fryšna wutłocona mězga z płodowym měsom (Fruchtfleisch) hynac ako kupjona mězga a až jo wjele oranžow za jadnu kanu mězgi trjebnych.

Pšašajśo źiśi nejpjerwjej za tym, wjele oranžow drje jo za jadnu połnu kanu mězgi trjebnych. Pótom wutłocćo zgromadnje rozkšajane oranžowe połojce. Gaž jo kana połna, wšykne gromaźe pśetrjebane oranže zlicyju. Něnto dostanjo kužde góle samoźěłanu a kupjonu oranžowu mězgu za wopytanje. Pó wopytanju rozgranjajśo se wó tom, kótara mězga jo słodša a kak mězdze wuglědatej. Kótara mězga słoźi źiśam nejlěpjej?

Na kóńcu maju źiśi ze zawězanyma wócyma wugódaś, w kótarem bjacharju jo fryšna wutłocona mězga. Pśed prědnym góleśim stoje tśi bjacharje. W jadnom jo fryšna wutłocona mězga a w tyma drugima stej kupjonej mězdze dweju wšakeju producentowu. Na dno bjacharja z fryšneju mězgu nalipśo cedlik za pšawe wótegrono.