Materialije

pśedłoga k wuśišćanju

barwiki

Pśigótowanje

Předłogu wuśišćaś.

Rozpokazanje (Anleitung)

Gaž źiśi se wobej wobraza dokradnje woglěduju, mógu sedym rozdźělow spóznaś. Leńka a Karlo cotej słodny sadowy mazańc pjac. Majka jima pśi tom pomaga, Na górnem wobrazu maju južo wšykno spśigótowane, což trjebaju. Ale co jo se na dołojcnem wobrazu stało? Namakajśo sedym rozdźělow a zakružćo je w dołojcnem wobrazu. Pó tom daś źiśi wobraza wopisuju a rozdźěle pomjenjuju. Pśi tom mógu slědujuce rumnostne zapśimjeśa wužiwaś: prězy, slězy, dołojce, górjejce, napšawo, nalěwo, pódla, na.

Co jo zaměnjone? (Was ist vertauscht?)

Pó tom móžośo ze źiśimi slědujuce graśe graś, pśi kótaremž se spěchujo zamóžnosć spominanja a koncentracije.

Trjebaśo na pśikład: muku, cukor, butru, wólej, šklu ze slěwkami, proznu šklu, pjaceńsku formu, kśidku (Sieb), litrowu měrku a měšawku (Rührlöffel).

Źiśi sejźe w krejzu. Wubjeŕśo šesć do sedym wěcow, kótarež scynijośo w jadnem rěźe dosrjejź krejza. Pomjenjujśo toś te zgromadnje ze źiśimi. Něnto maju wšykne krotko cas, se wěcy w pšawem rěźe markowaś. Pótom napominajśo źiśi wócy zacyniś. Zaměńśo (vertauschen) dwa pśedmjata a pšosćo źiśi, wócy zasej wótcyniś. Chto wě, co lažy něnto hynacej ako do togo?

Warianta

Pomjenjujśo nejpjerwjej zgromadnje pśedmjaty. Jadno góle se wuzwólijo a musy śpu spušćaś. Druge góle zaměnijo (vertauschen) dwa pśedmjata. Prědne góle pśiźo zasej nutś a wopytujo wugódaś, co lažy něnto na wopacnem městnje. Kužde góle jo jaden raz na rjeźe.