Materialije

pśedłoga „Licbowu drogu zeznaś“

Pśewjeźenje

Wažne wuměnjenje za licenje jo, až źiśi licby w pšawem rěźe pomjenjuju. Nawuknjenje licbowego rěda (Zahlenreihe) padnjo lažčej z pomocu gronkow abo pógibowanja. Slědujuce gronko móžośo tak cesto ako móžno wužywaś, gaž zwucujośo ze źiśimi licby do 10 na licbowej droze doprědka a slědk.

Bim – bam – bom

z licbami doprědka źom:

nula, jaden, dwa, tśi, styri, pěś,

šesć, sedym, wósym, źewjeś, źaseś.

Něnto zasej slědk ja źom

a licby pšawje rědujom:

źaseś, źewjeś, wósym, sedym, šesć,

pěś, styri, tśi, dwa, jaden, nula.