Slězy našog' pjaca

melodija a tekst: serbski ludowy spiw

wobźěłanje: Oksana Weingardt

1. Slězy našog’ pjaca kuntwóry graju, kuntwóry graju,

cerwjene, zelene kóšulki maju,

cerwjene, zelene kóšulki maju.

2. We tej našej łužy rjagaju žaby, rjagaju žaby,

pałkaju swóje wše mazane lapy,

pałkaju swóje wše mazane lapy.

3. Slězy našej kólnje wrobliki twarje, wrobliki twarje,

na słabe žyto a na burow swarje,

na słabe žyto a na burow swarje.

4. We tej našej brožni šere myšy pišće, šere myše pišće,

k nalěśu žyto na drogotu śišće,

k nalěśu žyto na drogotu śišće.

5. We tej našej pšeń’cy paśpula se chowa, paśpula se chowa,

„Kup mě lejk, kup mě lejk, Juriško!“ woła,

„Kup mě lejk, kup mě lejk, Juriško!“ woła,