Materialije

kopěrowańska pśedłoga

barwojta transparentna papjera abo pśewidne wobalki (Klarsichthüllen)

barwiki

šnorka

lipadło (Kleber)

nožyce

wuštapańska glicka (Prickelnadel)

pódłoga (Unterlage) za wuštapanje

Pśigótowanje

Pśedłogu na kšuśejšu papjeru wuśišćaś. Wurězujśo kus z kartona wobcerjenje (Umriss) za brylowy głažk we wjelikosći wenkowneje linije brylow.

Pśispomnjenje (Anmerkungen)

Z takeju wósebneju wuštapańskeju glicku jo za wšake źiśi lažčej, źěrku w jadnej formje wuštapaś, ako ju z nožycami wurězaś. Mimo togo se kužda barwojta transparentna papjera za brylowe głažki (Brillengläser) njegóźi, dokulaž njejo wjele wiźeś. Dla togo jo lěpjej swětłu transparentnu papjeru wužywaś abo brylowe głažki z pisanych pśewidnych wobalkow wurězaś.

Rozpokazanje (Anleitung)

Kužde góle wurězujo wobej brylowej formje. Brylowe głažki wuštapuju źiśi z wótpowědneju glicku pósporomje (entlang) dypkateje linije. Pótom wumóluju jadnu formu abo wugótuju ju z mustrami. Tamna forma wóstanjo běła. Něnto kresle (zeichnen) źiśi dwójcy na barwojtu transparentnu papjeru wobcerjenje krejza (pśigótowana šablona) a wobej krejza za brylowe głažki wurězuju. Głažki zlipju nejpjerwjej na běłu brylu. Pótom scyniju źiśi wobej źěla bryle na se a zlipju jej gromadu. Na kóńcu pśiscynijo (befestigen) se na kšomoma šnorka a źiśi stajiju sebje barwojtu brylu na nos.